بسم الله الرحمن الرحيم
قصيدة لشاعر قدير من قبيلة مطير العزيزة وأحد قبائل خنذف المتحالفة ، عبر فيها الشاعر
عن مايكنه من تقدير ومحبة لقبيلة هذيل المضرية وأحد قبائل حلف خنذف ايضاً.
عن مايكنه من تقدير ومحبة لقبيلة هذيل المضرية وأحد قبائل حلف خنذف ايضاً.
لولا هذيـل يهمّـش التاريـخ واللـي فيـه فيـه ولولا هذيل المجد يدخل قبر ويصلّـى عـلاه
ولولا هذيـل يجـول فالميـدان مـن لايحتميـه ولـولا هذيـل تغيّـر الحجـه ويفنـون القضـاه
أقولهـا وهذيـل صبـحٍ منجلـي مـالـه شبـيـه وهذيل من يقدم على سـد المواقـف ويحمـاه
أهل مقام وصدر مجلس مايجي فيـه السفيـه روس الرجال اللي مشاهدهم نواميس وغناه
حتى أبنهم يجي مثل خاله مثـل جـده وأبيـه والحي مايضفي على صدر الحيـاه الا حيـاه
حرار من راسٍ على حد السماء ماأحدٍ يجيه والله ليـا فضّـل وسـوى شـئ مامثلـه ســواه
أهل الشجاعه والكرم والطيب والعلم النزيـه وعلـمٍ وراه هـذيـل مـاشـئٍ يـحـده ويـحـداه
أنا قريت أفضـل كتـب تاريـخ فيمـا تحتويـه هذيـل غيـر وكـل مخـلـوقٍ مـاربـه عـطـاه
أبناء الصحابه يعرف التاريخ رجـلٍ مانسيـه فريّس تلـزم مرهـف الحديـن وتـروي شبـاه
بوارديـه يــوردون الـمـاس حمّـايـة وجـيـه في يوم من حظه نصيح يصيح والدم يغشاه
وكان العرب فريّس شعّار ولهـم ديـوان ليـه وهذيل في ديوان واحـد يعرفـه رجـلٍ قـراه
يعني هذيل أكثر فروسيه شعر وأمـرٍ وجيـه من فضل حكمة مقتـدر قـادر ولاربٍ سـواه
ويامن جهلت أيش اللغه طالع كتاب لسيبويه تلقـى هذيـل أهـل اللغـه يـرون شـئٍ ماتـراه
بايع على الطيّب هذلي وتحصّل اللي تمتنيه كـل هذلـيٍ يفعـل المعـروف مـادور جــزاه
لشاعر عبدالله غازي المطيري